Жендэрийн мэдрэмжтэй төсөвлөлтийн энэхүү гарын авлагын хүрээнд жендэрийн эрх тэгш байдлын ойлголтыг авч үзэхийн зэрэгцээ Монгол Улсад орон нутгийн төсвийг төлөвлөх, батлах, хэрэгжүүлэх, хянаж үнэлэх үе шат бүрт жендэрийн эрх тэгш байдлыг хангах асуудлыг хэрхэн тусгахыг танилцуулах болно. Гарын авлагын зорилго нь төсөв болон жендэрийн эрх тэгш байдлыг зохицуулдаг Монгол Улсын хууль тогтоомжид нийцүүлэн төрийн албан хаагчид орон нутгийн төсвийн үйл явцад жендэрийн мэдрэмжтэй арга зүйг нэвтрүүлэхэд ашиглаж болох энгийн аргачлалыг санал болгоход оршино. Жендэрийн мэдрэмжтэй төсөвлөлтийн энэхүү арга зүй нь эмэгтэйчүүд, эрэгтэйчүүд, охид, хөвгүүд төсвийн зарлагын үр шимийг тэгш хүртдэг байх, улсын болон орон нутгийн төсөв нь эмэгтэй, эрэгтэй хүмүүсийн ялгаатай хэрэгцээ, шаардлагад мэдрэмжтэй байх нь зүйтэй гэсэн зарчимд тулгуурласнаараа онцлог юм.